Dyma gyfle i fynd ar gwrs preswyl 5 niwrnod i godi hyder i ddefnyddio dy sgiliau Cymraeg.
Bydd y cyrsiau hyn yn benodol ar gyfer myfyrwyr Addysg Uwch.
Bydd y cyrsiau yma yn rhai mewn grŵp, dan arweiniad tiwtor, ac yn cael eu cynnal yn Nant Gwrtheyrn - canolfan iaith mewn lleoliad hudolus yng Ngwynedd.
Mae'r math hwn o gwrs ar gael i rai sydd eisoes yn gallu sgwrsio yn y Gymraeg, ac ar lefel Canolradd neu uwch.
Bydd yr wythnos yn cynnwys llety, lluniaeth, adloniaint gyda'r nos, pnawn yn y gymuned yn ymarfer eich sgiliau Cymraeg, a'r holl adnoddau dysgu.
